अतिरिक्त समयमा टोरेस चम्किए, स्पेन दोस्रो पटक विश्वकप विजेता

FIFA बिश्वकप, साउन ४

टोरेसले अतिरिक्त समयको १०६औं मिनेटमा गरेको निर्णायक गोलमा स्पेनले अर्जेन्टिनालाई १–० ले पराजित गर्दै फिफा विश्वकप २०२६ को उपाधि जितेको छ। यससँगै स्पेन इतिहासमा दोस्रो पटक विश्व च्याम्पियन बनेको हो।

न्युयोर्क–न्यु जर्सी स्टेडियममा आइतबार राति सम्पन्न फाइनलमा स्पेनले सुरुदेखि नै खेलमा पकड जमाएको थियो। लुइस डे ला फुएन्तेको टोलीले लगातार आक्रमण बुने पनि अर्जेन्टिनाका गोलरक्षक एमिलियानो मार्टिनेजको उत्कृष्ट प्रदर्शनका कारण गोल गर्न सकेको थिएन। उनले अतिरिक्त समयअघि मात्रै १२ महत्वपूर्ण बचाउ गरेका थिए।

निर्णायक क्षण अतिरिक्त समयको १०६औं मिनेटमा आयो। पेड्रो पोरोको क्रसलाई निको विलियम्सले हेडमार्फत टोरेसतर्फ मिलाइदिएपछि उनले पहिलो टचमै शक्तिशाली प्रहार गर्दै स्पेनलाई ऐतिहासिक जित दिलाए।

साविक विजेता अर्जेन्टिनाले नियमित समयको इन्जुरी समयमा एन्जो फर्नान्डेजलाई दोस्रो पहेँलो कार्डका कारण गुमाएको थियो। त्यसअघि नै टोलीका दुई प्रमुख सेन्टर ब्याक लिसान्ड्रो मार्टिनेज र क्रिस्टियन रोमेरो चोटका कारण मैदान छाड्न बाध्य भएका थिए। १० खेलाडीमा सीमित भए पनि लियोनेल स्कालोनीको टोलीले अन्तिमसम्म संघर्ष जारी राख्यो।

युरोपका च्याम्पियन स्पेन र दक्षिण अमेरिकाका च्याम्पियन अर्जेन्टिनाबीचको फाइनल उच्चस्तरीय प्रतिस्पर्धाको अपेक्षा गरिए पनि खेलमा स्पेनले पूर्ण नियन्त्रण कायम राख्यो। लामिन यामाल, मिकेल ओयार्जाबाल, फेरान टोरेस, पेड्री, पाउ कुबार्सी र निको विलियम्सले पटक–पटक अवसर सिर्जना गरे पनि मार्टिनेज बाधक बने।

अर्जेन्टिनाले फाइनलअघि प्रतियोगितामा १९ गोल गरिसकेको थियो। तर स्पेनको सशक्त प्रदर्शनका कारण लियोनेल मेस्सी नेतृत्वको टोलीले नियमित ९० मिनेटमा गोलतर्फ एकपटक पनि प्रहार गर्न सकेन। अतिरिक्त समयमा पनि स्पेनकै दबाब जारी रह्यो र अन्ततः टोरेसको गोलले खेलको फैसला गरिदियो।

सन् २०१० पछि पहिलो पटक विश्वकप जितेको स्पेनले यस सफलतासँगै दोस्रो विश्व उपाधि आफ्नो नाममा लेखाएको छ भने अर्जेन्टिनाको लगातार दोस्रो विश्वकप जित्ने सपना अधुरै रह्यो।